काठमाडौं । पछिल्लो २४ घण्टामा थप ५४९ जनामा कोरोना भाइरस संक्रमण पुष्टि भएको छ भने ५६९ जना निको भएर घर फर्केका छन् ।

स्वास्थ्य तथा जनसंख्या मन्त्रालयका अनुसार शुक्रबार ७ हजार १४५ पीसीआर परीक्षणमा ४९० र २ हजार ६०१  एन्टिजेन परीक्षणमा ५९ जना गरी ५४९ जनामा संक्रमण पुष्टि भएको हो ।

मन्त्रालयका अनुसार सोही समयमा ६ जनाको मृत्यु भएको छ । हालसम्म नेपालमा कोरोनबाट ज्यान गुमाउनेको संख्या ११ हजार ३८८ पुगेको छ।

यस्तै, हाल देशभर १० हजार १५१ जना सक्रिय संक्रमित रहेका छन्।

यसअघि हिजो विहीबार ५९१ जनामा संक्रमण पुष्टि हुँदा २ जनाको मृत्यु भएको थियो ।