काठमाडौं । पछिल्लो २४ घण्टामा थप ५९१ जनामा कोरोना भाइरस संक्रमण पुष्टि भएको छ भने ६६४ जना निको भएर घर फर्केका छन् ।

स्वास्थ्य तथा जनसंख्या मन्त्रालयका अनुसार विहीबार ८ हजार ८४८ पीसीआर परीक्षणमा ५२७ र २ हजार ५०७  एन्टिजेन परीक्षणमा ६४ जना गरी ५९१ जनामा संक्रमण पुष्टि भएको हो ।

मन्त्रालयका अनुसार सोही समयमा २ जनाको मृत्यु भएको छ । हालसम्म नेपालमा कोरोनबाट ज्यान गुमाउनेको संख्या ११ हजार ३८२ पुगेको छ।

यस्तै, हाल देशभर १० हजार २३६ जना सक्रिय संक्रमित रहेका छन्।

यसअघि हिजो बुधबार ६७२ जनामा संक्रमण पुष्टि हुँदा ८ जनाको मृत्यु भएको थियो ।