एजेन्सी – सिजनको पहिलो इएल क्लासिकोमा रियल मड्रिड विजयी भएको छ।

आइतबार राति भएको खेलमा रियलले बार्सिलोनालाई २–१ गोलले पराजित गरेको हो।

रियलको जितमा डेविड अलबा र लुकास भाजक्वीजले गोल गरेका थिए। बार्सिलोनाका लागि सर्जियो अगुइरोले गोल गरे।

खेलको ३२ औं मिनेटमा गोल गर्दै अलाबाले रियललाई शुरुवाती अग्रता दिलाएका थिए। खेलको थप गरिएको समयमा लुकासले टोलीको अग्रता दोब्बर बनाए।

तर थप गरिएको अन्तिम समयमा अगुइरोले बार्सिलोनाका लागि एक गोल फर्काए।

जितसँगै रियल ला लिगाको शीर्षस्थानमा उक्लिएको छ। रियलले ९ खेलबाट २० अंक जोडेको छ। समान खेल र समान अंकका साथ सेभिया दोस्रो र रियल सोसिडाड तेस्रो स्थानमा छ। ९ खेलमा १५ अंक जोडेको बार्सिलोना नवौं स्थानमा छ।