इनरुवा । जिल्ला प्रहरी कार्यालय सुनसरीले बालविवाह गरेको अभियोगमा बेहुला बेहुलीसहित चार जनालाई पक्राउ गरेको छ।

जिल्लाको इटहरी-२ स्थित हवाई चोकमा १७ वर्षीया बालिकाको बालविवाह गरेको अभियोगमा बेहुला सन्दीप, बेहुली, बेहुलाका बुवा कालुबहादुर रसाइली र बेहुलीकी आमा सेविका दर्नाललाई पक्राउ गरिएको जिल्ला प्रहरी कार्यालय सुनसरीले जनाएको छ।

उनीहरूलाई पक्राउ गरेर बालविवाहविरुद्धको मुद्दा चलाइएको प्रहरीले जनाएको छ ।

उनीहरूलाई इलाका प्रहरी कार्यालय इटहरीले असोज २५ गते विवाह मण्डपबाट पक्राउ गरेको थियो ।

चारै जनाविरुद्ध सुनसरी जिल्ला अदालतबाट बालविवाह मुद्दामा पाँच दिन म्याद थप भइ अनुसन्धान थालिएको प्रहरीले जनाएको छ ।