काठमाडौं । ‘हिमानी ट्रस्ट’ ले सोमबार काठमाडौंको सोल्टी होटलमा आयोजना गरेको चियापन कार्यक्रममा पूर्वराजपरिवा र सेलिब्रेटीहरुको जमघट भएको छ।

पूर्वयुवराज्ञी हिमानी शाहले सन्चालन गरेको सो ट्रस्टले निरन्तर सामाजिक काम गरिरहेको छ।

दसैं, तिहार र छठको उपलक्ष्यमा कोषले कला, खेलकुद तथा साहित्यिक योगदान दिएका व्यक्तित्वहरुलाई चियापानका लागि बोलाएको थियो।

कार्यक्रमा पूर्वराजा ज्ञानेन्द्र वीरविक्रम शाह उपस्थित भएका थिए भने पूर्वरानी कोमल थिइनन्।

सो कार्यक्रममा पूर्वयुवराज पारस शाह पनि गएका थिए। हिमानीले उपस्थित सबैलाई स्वागत गरेकी थिइन्।

त्यहाँ पारस र ज्ञानेन्द्रबीच केहीबेर कुराकानी पनि भयो।

तर हिमानी र पारसबीच भने कुनै संवाद भएन।

कार्यक्रममा कलाकारहरु भुवन केसी, शिव श्रेष्ठ, कृष्ण मल्ल लगायत उपस्थित भएका थिए।