काठमाडौँ । नेकपा एमालेका अध्यक्ष केपी शर्मा ओलीले पार्टी स्थायी कमिटीको बैठक बोलाएका छन् ।

बैठक बिहीबार अपरान्ह ४ बजे तुल्सीलाल प्रतिष्ठान च्यासलमा बस्ने गरी बोलाइएको एमाले पार्टी कार्यालयका सचिव शेरबहादुर तामाङले जानकारी दिए ।

सचिव तामाङका अनुसार बिहीबारको बैठकमा भर्खरै सम्पन्न विधान महाधिवेशनको समीक्षा, आगामी कात्तिक ६ गते हुने भनिएको वडा अधिवेशनको बारेमा छलफल हुने छ।

त्यस्तै, ९ कात्तिकमा हुने भनिएको पालिका अधिवेशन, राष्ट्रिय महाधिवेशन र हालै भएको अविरल वर्षका कारण भएको जनधनको क्षति सम्बन्धमा छलफल हुने सचिव तामाङको भनाइ छ ।