सल्यान । बसुलो प्रहार गरी आफ्नै श्रीमतीको हत्या गरेको आरोपमा प्रहरीले एक पुरुषलाई पक्राउ गरेको छ।

पक्राउ पर्नेमा सल्यान कुमाख गाउँपालिका-५ का ४७ वर्षीय कविराम खड्का रहेका छन्।

४२ वर्षीया श्रीमती कली खड्कालाई बसुलो प्रयोग गरी हत्या गरेको आराेपमा खड्कालाई मंगलबार राति प्रहरीले पक्राउ गरेको हाे ।

जिल्ला प्रहरी कार्यालय सल्यानका अनुसार घरायसी विवादका कारण मादक पदार्थ सेवन गरी कविरामले श्रीमतीलाई धारिलो हतियार (बसुलो) प्रहार गर्दा उनको घटनास्थलमै मृत्यु भएको थियो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।