एजेन्सी । गीतकार जावेद अख्तरले बलिउड अभिनेता शाहरुख खानका छोरा आर्यन खान ‘हाइ प्रोफाइल’कै कारण  पक्राउ परेको धारणा ब्यक्त गरेका छन्।

गत अक्टोबर ३ मा लागूऔषध मुद्दामा बलिउड अभिनेता शाहरुख खानका छोरा आर्यन खानलाई प्रहरीले प्रकाउ गरेको विषयमाथि बोल्दै गीतकार जावेदले यस्तो धारणा राखेका हुन्।

केही दिनअघि अख्तरले एक किताब विमोचनको पत्रकार सम्मेलनमा आर्यन पक्राउको विषय उठेपछि भनेका थिए, ‘बलिउडमा हाई प्रोफाइल भएका कारण उनले मूल्य चुकाउनु परेको हो, जब तिमी हाई प्रोफाइलका छौं, तब तिम्रो खुट्टा तान्न मानिसहरु लागिपरेका हुन्छन, यदी तिमी सामान्य हौं भने तिमीलाई खुट्टा तान्ने कसले ?’

पछिल्लो समय सामाजिक सञ्जालहरुमा आर्यनको मुद्दाबाट बलिउडलाई लक्षित गर्दै प्रहार गर्न खोजिएको भन्ने आवाजहरु उठ्न थालेपछि अख्तरले अधिकतम लागूऔषध ओसारपोसार गर्ने भन्दा हाई प्रोफाइल पात्रहरुलाई मिडियाले बढी ध्यान दिने गरेको पनि आरोप लगाएका छन्।

आर्यनलाई अहिले भारतको आर्थर रोड जेलमा राखिएको छ ।