एजेन्सी । भारतको जम्मु कस्मिर क्षेत्रमा पाँच भारतीय सैनिकको मृत्यु भएको छ ।

इन्डिया टुडेका अनुसार सोमबार जम्मु कास्मिरको पोन्च क्षेत्रमा विद्रोही र सेनाबिचको मुठभेटमा एक अफिसरसहित पाँच सैनिकको मृत्यु भएको हो।

मुठभेटको क्रममा अन्य केही सैनिक घाइते भएका र घाइतेलाई उपचारको लागि अस्पताल पठाइएको बताइएको छ। सो क्षेत्रमा ठूलो संख्यामा विद्रोही सदस्य उपस्थित भएको र दुवै पक्षबिच फायरिङ जारी रहेको बताइएको छ। नियन्त्रणका लागि घटनास्थलमा ठूलो संख्यामा प्रहरी र सेना परिचालन गरिएको इन्डिया टुडेले जनाएको छ।

भारतीय सेनाले बुधबारदेखि विद्रोहीविरुद्धको सैन्य अपरेसन सुरु गरेको थियो।