काठमाडौं । पछिल्लो २४ घण्टामा १५ हजार ४६५ जनाको पीसीआर परिक्षण गर्दा १ हजार ४३ जनामा कोरोना भाइरसको संक्रमण पुष्टि भएको छ । जसमा ११ हजार १६५ जनाको पीसीआर विधिबाट र ४ हजार ३०० जनाको एन्टीजेन परीक्षण बिधिबाट परीक्षण गरिएको छ ।

स्वास्थ्य तथा जनसंख्या मन्त्रालयका अनुसार बुधबार ८९१ संक्रमित निको भएर घर फर्किएका छन्।

यस्तै, मन्त्रालयका अनुसार संक्रमणबाट पछिल्लो २४ घण्टामा १२ जनाको मृत्यु भएको छ । अहिलेसम्म कोरोनाको संक्रमणबाट नेपालमा ११ हजार १९२ जनाको मृत्यु भएको छ।

यसअघि हिजो मंगलबार ९६८ जनामा संक्रमण पुष्टि हुँदा ६ जनाको मृत्यु भएको थियो।