काठमाडौँ । संघीय संसदमा सांसदहरूले यस बर्षको दशैं-भत्ता नपाउने भएका छन् । संसद सचिवालयले दसैं खर्चबिना नै असोज महिनाको तलब उनीहरुको खातामा हालिदिएपछि यस बर्ष दशैं भत्ता नपाउने भएका हुन्।

यसअघिको बर्षमा भने सचिवालयले तलब भत्तासँगै चाडवाड खर्च सांसदहरूको खातामा हालिदिएको थियो । तर त्यतिबेला कोरोना महामारीलाई कारण देखाउँदै सांसद र दलहरूले दशैं भत्ता फिर्ता गरेका थिए ।

सचिवालयका अनुसार मन्त्रिपरिषदले निर्णय नगरेका कारण यस बर्ष भत्ता कटौती गरिएको हो । यदी निर्णय गरेको भए सांसदहरूले तलब सुविधा गरेर (१ लाख ३० हजार) ६४ हजार ७० रूपैयाँ दरले चाडबाड खर्च पाउने थिए ।

संघीय संसदको पदाधिकारी तथा सदस्यहरूको पारिश्रमिक र सुविधासम्बन्धी ऐनमा सांसदको तलब सुविधाको व्यवस्था गरिएको छ। त्यसको निकासीको लागि मन्त्रिपरिषदले निर्णय गर्नुपर्ने सचिवालयले जनाएको छ।