काठमाडौं । छोरालाई प्रहरीले लागूऔषध मुद्दामा पक्राउ गरेपछि तानवमा परेका बलिउड नायक साहरुख खानलाई भेट्न सलमान खान मध्यरातमा मन्नत पुगेका छन् ।

साहरुखका छोरा आर्यन खानलाई शनिबार मध्यरातमा ड्रग्सको मुद्दामा क्रुज पार्टीबाट एनसीबीले हिरासतमा लिएको थियो । आर्यन हिरासतमा परेसँगै नायक साहरुख खान र उनको परिवार तनावमा छ ।

साहरुखको परिवारलाई साथ दिन सलमान आइतबार राती मन्नत पुगेको भिडियो सामाजिक संजालमा भाइरल भैरहेको छ । ‘बीग बोस’को छायांकनमा व्यस्त सलमान तनावमा परेका साहरुखलाई भेट्न मन्नत पुगका हुन् ।

आर्यनको आइतबार मेडिकल जाँच गरेपछि अदालतमा उपस्थित गराइएको थियो । अदालतले आर्यन लगायत पक्राउ परेका ८ जनालाई १ दिनको न्यायिक हिरासतमा राख्न आदेश दिएको छ ।