काठमाडौँ । महानगरीय प्रहरी अपराध महाशाखाले डीभी भिषाका लागि नक्कली शैक्षिक प्रमाणपत्र पेस गरेर अमेरिका उड्न खोज्ने तीन जनालाई पक्राउ गरेको छ। पक्राउ पर्नेहरुमा चितवनका जीवन कार्की र नविन दराई साथै रौतहटका शिव रोक्का रहेका छन् ।

महाशाखाका सूचना अधिकारी एवं प्रहरी उपरीक्षक (एसपी) कृष्णप्रसाद कोइरालाका अनुसार नेपालस्थित अमेरिकन दुतावासमा U.S. Diversity Visa (EDV) २०२१ को नतिजामा नाम निकालेका उनीहरुले Visa प्रक्रियाका लागि नक्कली शैक्षिक योग्यताका प्रमाणपत्र पेस गरेका थिए।

पक्राउ परेकामध्ये जिबन कार्कीले नबिन दराईसंग एक लाख सत्तरी हजार लिएर १०+२ को शैक्षिक प्रमाण पत्र बनाई दिएको अनुसन्धानका क्रममा खुलेको एसपी कोइरालाले बताए।