काठमाडौं । पछिल्लो २४ घण्टामा १४ हजार ००३ जनामा कोरोना परीक्षण गर्दा १ हजार १५८ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार मंगलबार पिसिआर विधिबाट ११ हजार ६७२ जना र एन्टिजेनबाट २ हजार ३३१ जनाको परीक्षण भएको छ । त्यस्तै, एक हजार ३१८ संक्रमित निको भएका छन्।

संक्रमणबाट पछिल्लो २४ घण्टामा १२ जनाको मृत्यु भएको छ । अहिलेसम्म कोरोनाको संक्रमणबाट नेपालमा ११ हजार ११५ जनाको मृत्यु भएको छ।

मन्त्रालयका अनुसार हाल १७ हजार १२५ सक्रिय संक्रमित छन् ।

यसअघि हिजो सोमबार १,२८२ जनामा संक्रमण पुष्टि भएको थियो भने ७ जनाको मृत्यु भएको छ।