काठमाडौं । पछिल्लो २४ घण्टामा १५ हजार ४८८ जनामा कोरोना परीक्षण गर्दा १ हजार २८२ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार सोमबार पिसिआर विधिबाट १२ हजार ०८१ जना र एन्टिजेनबाट ३ हजार ४०७ जनाको परीक्षण भएको छ । त्यस्तै, एक हजार २६२ संक्रमित निको भएका छन्।

संक्रमणबाट पछिल्लो २४ घण्टामा ७ जनाको मृत्यु भएको छ । अहिलेसम्म कोरोनाको संक्रमणबाट नेपालमा ११ हजार १०३ जनाको मृत्यु भएको छ।

मन्त्रालयका अनुसार हाल १७ हजार ५३५ सक्रिय संक्रमित छन् ।

यसअघि हिजो आइतबार ८३४ जनामा संक्रमण पुष्टि भएको थियो भने ९ जनाको मृत्यु भएको छ।