बर्दिया । पछिल्लो समय बर्दियामा बाघको आतंक निकै बढेको छ। निकुञ्ज वरपरका घरहरु र राजमार्ग क्षेत्रमा बाघले दिनहुँ जसो आक्रमण गर्दै आएको छ।

यसैबीच जिल्लाको गुलरिया नगरपालिका–५ सन्तोषी टोलमा व्यवसायीक फर्मका २१ वटा बाख्रालाई बाघले मारेको छ ।

व्यवसायी चन्द्रकान्त पौडेलको फर्ममा आइतबार राति १० बजेदेखि सोमबार बिहान ५ बजेको बीचमा खोरमा पसेर बाघले ७ खसी, ७ वटा माउ बाख्रा र ६ वटा साना पाठापाठी मारेको हो ।

फर्म सञ्चालक पौडेलका अनुसार वस्ती भन्दा थोरै पर रहेको यो खोरमा भएको घटनामा एउटा सानो पाठो जीवित भेटिएको छ भने एउटा बाख्रा हराइरहेको छ।

खोरमा भएकामध्ये एउटा बाख्राको पछाडि भाग खाएको र बाँकी सबैको घाँटीबाट रगत चुसेको पाइएको पौडेलले बताए ।