काठमाडौं । गत मंगलबार राति कपनको ढलमा खसेर बेपत्ता भएका १० वर्षीय उज्जवल विकको शव भेटिएको छ ।

ललितपुर र मकवानपुरको सीमा क्षेत्रमा पर्ने बागमती गाउँपालिका-१, घुसेलमा शनिबार राति शव भेटिएको ललितपुर प्रहरीले बताएको छ ।

महानगरीय प्रहरी परिसर ललितपुरकी एसएसपी किरण बज्राचार्यका अनुसार स्थानीयले शव देखेपछि प्रहरीलाई खबर गरेका थिए ।

शनिबार साँझ स्थानीयले शव बागमती नदी किनारमा देखेका थिए । बज्राचार्यले बालकले कपन मावि लेखेको लुगा लगाएको र अनुहार चिन्न गाह्रो हुने खालको रहेको जानकारी दिइन्।