काठमाडौं । एभरेष्ट प्रिमियर लिग (ईपीएल) क्रिकेटमा चौंथो संस्करण अन्तर्गत विराटनगर वारिवर्सले जितका लागि चितवन टाइगर्सलाई १ सय ५२ रनको लक्ष्य दिएको छ ।

त्रिवि क्रिकेट मैदानमा टस हारेर पहिले ब्याटिङ गरेको विराटनगरले २० ओभरमा ९ विकेट गुमाएर १ सय ५१ रन बनायो ।

खराब सुरुवात गरेको विराटनगरका लागि सिकन्दर राजाले ६७ रन, अनिल शाहले ३२ रन र सौरभ खनालले अविजित ३० रनको योगदान दिए।

विराटनगरका रायन पाठनले ४, चन्द्रपाउल हेमराजले २, कप्तान करण केसीले १ रन जोडे ।

चितवनका कप्तान सोमपाल कामी,कमल ऐरी,करिम जनत र सागर ढकालले २/२ विकेट लिए ।