काठमाडौं । प्रहरीको केन्द्रीय अनुसन्धान ब्यूरो (सीआईबी)ले गैंडाको खागसहित एक जनालाई पक्राउ गरेको छ ।

पक्राउ पर्नेमा ललितपुर महानगरपालिका–६ लगनखेल बस्ने ३० वर्षीय निकेश बस्नेत रहेका छन् । सीआईबीको टोलीले बस्नेतलाई बिहीबार काठमाडौंको गौशालाबाट पक्राउ गरेको हो ।

गौशालाको तिलगंगा क्षेत्रमा गैंडाको खाग तथा आखेटोपहारको अवैध ओसारपसार र बेचबिखन गर्न लागेको सूचनाको आधारमा उनलाई ४५ ग्रामको खागसहित नियन्त्रणमा लिएको सीआईबीले जनाएको छ।

पक्राउ परेका बस्नेतलाई आवश्यक कारबाहीका लागि डिभिजन वन कार्यालय, हात्तीसारमा बुझाइएको ब्युरोले जनाएको छ ।

अर्को पनि पढ्नैपर्ने

तिब्बती व्यापारीलाई गैडाको खाग तस्करी गर्ने नाङ्गे तामाङ्ग जेल चलान