काठमाडौं । पछिल्लो २४ घण्टामा थप १ हजार ४७८ जनामा कोरोना भाइरस संक्रमण पुष्टि हुँदा १ हजार ६३० जना संक्रमणमुक्त भएका छन् भने ६ जनाको मृत्यु भएको छ।

स्वास्थ्य तथा जनसंख्या मन्त्रालयका अनुसार ११ हजार ०६७  जनाको पीसीआर परीक्षणमा १ हजार २५१ र २ हजार ८६३ को एन्टिजेन परीक्षणमा २२७ जना गरी १,४७८ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ८७ हजार ५९७ जना पुगेको छ ।

जसमध्ये १९ हजार ८०५ जना होम आइसोलेसनमा र १ हजार ३३४ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म ११ हजार ०५९ जनाको मृत्यु भएको छ ।

यसअघि हिजो सोमबार १,३३० जना संक्रमित थपिँदा ५ जनाको मृत्यु भएको थियो भने  १,८३० जना डिस्चार्ज भएका थिए।