काठमाडौं । अफिसमा सँगै काम गर्ने महिला सहकर्मीहरुलाई ‘लभ’, ‘हनी’ र ‘स्वीटी’ जस्ता सम्बोधन गरेर बोलाउने एक युवालाई कम्पनीले जागिरबाट निकालिदिएको छ।

डेलीस्टारको रिपोर्टअनुसार म्यान्चेस्टरमा माइक नामका व्यक्तिले आफ्नो अफिसमा काम गर्ने महिला कर्मचारीहरुलाई यस्ता नामले बोलाउँथे । यही कारण कम्पनीले माइकलाई जागिरबाट निकालिदिएको थियो।

कम्पनीले आफूलाई जागिरबाट निकालिदिएको विरोधमा माइकले अदालतमा केस फाइल गरेका थिए । तर. केसको सुनुवाइको क्रममा अदालतले कम्पनीको निर्णयलाई सही ठहर गरेको छ।

सुनुवाइपछि अदालतका न्यायाधीश पलिन फिनेले कम्पनीको निर्णयलाई सही ठहर गर्दै महिला कर्मचारीलाई यस्ता सम्बोधन गर्नु उनीहरुको अपमान गर्नु भएको बताए।