काठमाडौं । प्रहरीले हस्तकलाका सामानभित्र लागूऔषध चरेस राखेर ओसार-पोसार गर्ने गिरोहका ९ जनालाई पक्राउ गरेको छ ।

उनीहरुलाई कपनस्थित हस्तकलाका सामान उद्योगबाट ७ किलो बढी चरेसहित मंगलबार पक्राउ गरिएको प्रहरीले जनाएको छ।

पक्राउ परेकाहरुलाई मंगलबार पत्रकार सम्मेलन गरी सार्वजनिक गरिने प्रहरीको लागूऔषध नियन्त्रण व्यूरोले जनाएको छ ।

ब्यूरोका अधिकारीहरुका अनुसार पक्राउ परेकाहरुले चकटीभित्र चरेस राखेर हस्तकलाको सामानको रुपमा विदेश पठाएको प्रारम्भिक अनुसन्धानमा खुलेको छ।

यस बिषयमा थप आवश्यक अनुसन्धान जारी रहेको प्रहरीले जनाएको छ।