काठमाडौँ । गाँजालाई वैधानिकता दिन माग गर्दै सोमबार काठमाडौंमा प्रदर्शन भएको छ ।

सोमबार माइतीघरमा उत्रिएका प्रदर्शनकारीले ‘गाँजावादी एक हौँ’, ‘देश गाँजा खानेले होइन, नखानेले बिगारेको हो’ लगायतका नारा लेखिएका प्लेकार्ड बोकेका थिए ।

यस्तै, उनीहरूले गाँजालाई वैधानिकता प्रदान गरी देशको अर्थतन्त्र उकास्न सरकारसँग माग पनि राखेका छन् ।

दुई साताअघि प्रहरीले गाँजा सेवन र बिक्रीको आरोपमा राजीव काफ्लेलाई पक्राउ गरेको थियो ।

गाँजामाथिको प्रतिबन्ध खुलाउन नेपाललगायत अन्तर्राष्ट्रियस्तरमा लबिङ गरिरहेका काफ्लेको रेस्टुराँमा काम गर्ने एक कामदारको साथबाट ८३ ग्राम गाँजा भेटिएपछि प्रहरीले पक्राउ गरेको थियो।