काठमाडौं । पछिल्लो २४ घण्टामा थप ७३४ जनामा कोरोना भाइरस संक्रमण पुष्टि हुँदा १ हजार ४१३ जना संक्रमणमुक्त भएका छन् भने १२ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ७ हजार ३०४ जनाको पीसीआर परीक्षणमा ६५६ र २ हजार ७०९ को एन्टिजेन परीक्षणमा ७८ जना गरी ७३४ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ८४ हजार ५६६ जना पुगेको छ ।

जसमध्ये २२ हजार ८६४ जना होम आइसोलेसनमा र १ हजार ४४९ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म ११ हजार ०४० जनाको मृत्यु भएको छ ।

यसअघि हिजो शनिबार १,०६६ जना संक्रमित थपिँदा १६ जनाको मृत्यु भएको थियो भने  १,२३४ जना डिस्चार्ज भएका थिए।