काठमाडौं । नेपालमा कोरोना संक्रमितको संख्यामा घटबढ भइरहेको छ । गत सोमबारदेखि उकालो लागेको संक्रमितको संख्या आज आएर केही घटेको छ।

यसअघि आइतबार एक हजारभन्दा कममा संक्रमण पुष्टि हुँदा सोमबार साँढे १४ सय जतिमा संक्रमण पुष्टि भएको थियो । त्यसपछि मंगलबार  झन्डै १५ सयको हाराहारीमा थपिएका थिए भने बुधबार पनि लगभग १८ सय जति थपिएका थिए । आज बिहीबार संक्रमितको संख्या भने केही घटेको छ जसमा १५ सय भन्दा थोरै बढी थपिएका छन्।

स्वास्थ्य तथा जनसंख्या मन्त्रालयका अनुसार आज ११ हजार २०८ पीसीआर परीक्षणमा १,१६५ जना र ३,९७१ एन्टिजेन परीक्षणमा ३४६ जना गरी कुल १,५७१ जनामा संक्रमण भएको छ ।

त्यस्तै, आज बिहीबार १,६८९ जना संक्रमणमुक्त भएका छन् भने ११ जनाको मृत्यु भएको छ । यससँगै हालसम्म नेपालमा कोरोनाबाट ज्यान गुमाउनेको संख्या ११ हजार  सय ००२ जना पुगेका छ ।