भक्तपुर। मादक पदार्थ सेवन (मापसे)को प्रयोग गरेर ड्युटीमा खटिएका प्रहरीलाई अभद्र व्यवहार गरेको अभियोगमा एक जना पक्राउ परेका छन्।

पक्राउ पर्नेमा काठमाडौं पेप्शीकोला बस्ने ४२ वर्षीय सोमनाथ अधिकारी रहेका छन् । उनलाई सोमबार राति सूर्यविनायक नगरपालिका-५ सल्लाघारीबाट प्रहरीले पक्राउ गरेको हो ।

प्रहरीका अनुसार जगातीबाट सल्लाघारीतर्फ जाँदै गरेको बा.९ च २७६३ नम्बरको कारलाई महानगरीय प्रहरी प्रभाग कटुन्जे र ट्राफिक प्रहरीको संयुक्त प्रहरी टोलीले मापसे जाँच गर्न खोज्दा विवाद बढेको थियो ।

विवादमा अधिकारीले ब्रेथलाईजर फुटाउनुको साथै प्रहरीलाई अभद्र व्यवहार गरेका थिए।

यस सम्बन्धमा प्रहरीले थप अनुसन्धान गरिरहेको जनाएको छ ।