पर्सा। जिल्ला प्रहरी कार्यालय पर्साको हिरासतबाट फरार भएका एक थुनुवालाई प्रहरीले पक्राउ गरेको छ।

लागूऔषध मुद्दामा पक्राउ परेका  चितवनको भरतपुर महानगरपालिका ३ का १४ वर्षीय विक्की सोनार आइतबार बिहान फरार भएका थिए ।

उनलाई वीरगञ्जस्थित   शंकराचार्य गेटबाट नेपालबाट भारततर्फ जाँदै गरेको अवस्थामा प्रहरीले पक्राउ गरेको हो ।
प्रहरीका अनुसार गत भदौ १६ गते भारतको रक्सौलबाट आउँदै गरेका बेला वीरगन्जको इनर्वा नाकाबाट सोनार लागूऔषध नुर्फिन ७ , डाइजेपाम ७ र फेनारगन ७ गरि २१ एम्पुलसहित पक्राउ परेका थिए। यद्यपि पक्राउ परेका सोनारलाई प्रहरीले सार्वजनिक गरेको थिएन।

लागूऔषधसहित पक्राउ परेपछि उनलाई जिल्ला प्रहरी कार्यालय पर्साको हिरासतमा राखिएको थियो । प्रहरी हिरासतमै रहेका बेला भदौ २२ गते अचानक सोनारले रगत छाद्न थालेपछि उपचारका लागि त्यहि दिन नारायणी अस्पतालमा भर्ना गरिएको थियो ।

अस्पतालमा एकजना प्रहरी हवल्दारको निगरानीमै उपचाररत रहेका सोनार आइतबार बिहान ८ बजेतिर प्रहरी हवल्दारलाई झुक्यार अस्पतालबाट फरार भएका थिए

प्रहरी हवल्दारको लापरवाहीकै कारण अभियुक्त सोनार फरार भएका थिए ।

जिल्ला प्रहरी कार्यालय पर्साका एसपी बेलबहादुर पाण्डेले लापरवाही गर्ने हवल्दारलाई कारवाही नगरेको भन्दै आलोचना खेपेका थिए।