काठमाडौं । नेपालमा कोरोना संक्रमितको संख्या दिप्रतिदिन घटिरहेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९९४ जनामा कोरोना भाइरस संक्रमण पुष्टि हुँदा संक्रमणमुक्त हुनेको संख्या १ हजार ३६८ रहेको छ भने १२ जनाको मृत्यु भएको छ ।

मन्त्रालयका अनुसार ६ हजार १३७ पीसीआर परीक्षणमा ७७७ जना र ३७०३ एन्टिजेन परीक्षणमा २१७ जना गरी ९९४ जनामा संक्रमण पुष्टि भएको हो ।

यो संख्या गत चैतमा कोरोना महामारीको दोस्रो लहर सुरु भएयताको सबैभन्दा कम हो । यससँगै हालसम्म नेपालमा कोरोनाबाट ज्यान गुमाउनेको संख्या १० हजार ९ सय ३६ जना पुगेका छन् । नेपालमा अहिले २७ हजार ३ सय ५५ जना सक्रिय संक्रमित रहेका छन् ।