संखुवासभा । मादी नगरपालिका–१ उमलिङको खोलागाउँमा सामूहिक हत्या आरोपमा प्रहरीले एक जना २५ वर्षीय छिमेकीलाई पक्राउ गरेको छ ।

प्रहरीले आइतबार  व्यक्तिलाई सार्वजनिक गर्ने जनाएको छ । पक्राउ परेका व्यक्ति छिमेकीको घर घटना घटेको घरबाट करिब १ सय ५० मिटरको दूरीमा रहेका छन्।

हत्यामा प्रयोग भएको रड भेटिएपछि ती  युवक शङ्काको घेरामा थिए । घरभित्र रगत लागेको सर्ट भेटिएपछि प्रहरीले उनलाई पक्राउ गरेको हो ।

तर, उनले अपराध भने कबुल गरेका छैनन ।

घटनास्थलमा प्रदेश १ का प्रहरी प्रमुख डीआईजी अरुणकुमार बीसी, केन्द्रीय अनुसन्धान ब्युरो(सीआईबी0 र संघीय इकाई प्रहरी कार्यालय धरानसमेतको टोली खटिएको छ । मादी नगरपालिका–१ स्थित तेजबहादुर कार्कीसहित उनको परिवारका ६ जनाको सोमबार बिहान शव फेला परेको थियो ।

तेजबहादुर कार्की, आमा पार्वता कार्की, श्रीमती मनमाया कार्की, बुहारी रञ्जना कार्की, नाति दीपक कार्की र नातिनी गोमा कार्कीको सामुहिक हत्या भएको थियो । घटनाको अनुसन्धान अन्तिम चरणमा पुगेको र हत्या आरोपीलाई आइतबार सार्वजनिक गरिने प्रहरी स्रोतको भनाइ छ ।