काठमाडौँ। सरकारले बजेटको प्रतिस्थापन विधेयकमार्फत् दीर्घ रोगीका लागि मासिक पाँच हजार रुपैयाँ भत्ता प्रदान गर्ने भएको छ।

शुक्रबार प्रतिनिधिसभाको बैठकमा अर्थमन्त्री जनार्दन शर्माले मृगौला प्रत्यारोपण गरेका, सबै प्रकारका क्यान्सर रोगी र मेरुदण्ड पक्षघातका विरामीलाई औषधी उपचार खर्च मासिक ५ हजार रुपैयाँ दिने घोषणा गरेका हुन् ।

यस्तै राजनीतिक आन्दोलनमा लागेर जीवन गुमाएका ब्यक्तिको परिवारका लागि मासिक ३ हजार रुपैयाँ दिने ब्यवस्था गरेको अर्थमन्त्री शर्माले बताए।

देउवाले यसअघि अघिल्लो पटक प्रधानमन्त्री हुँदा दीर्घ रोगीलाई पाँच हजार जीवन निर्वाह भत्ता दिने निर्णय गरेका थिए । तर, संघीय निर्वाचनपछि आएको केपी शर्मा ओली नेतृत्वको सरकारले उक्त कार्यलाई रोक गरेको थियो।