काठमाडौं । पछिल्लो २४ घण्टामा थप १ हजार ६४० जनामा कोरोना भाइरस संक्रमण पुष्टि हुँदा २ हजार १६१ जना संक्रमणमुक्त भएका छन् भने १० जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ९ हजार ७६७ जनाको पीसीआर परीक्षणमा १ हजार ३४७ र ३ हजार ६८८ को एन्टिजेन परीक्षणमा २९३ जना गरी १ हजार ६४० जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ७३ हजार ५२९ जना पुगेको छ ।

जसमध्ये २७ हजार ६९० जना होम आइसोलेसनमा र १ हजार ७८९ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार ८८९ जनाको मृत्यु भएको छ ।