एजेन्सी । यसअघि टाउको दुखाईको बिषय बन्दै आइरहेको पञ्जशीर उपत्यका पनि आफ्नो नियन्त्रणमा आएको तालिबानहरुले दाबी गरेका छन्।

तालिवानका प्रवक्ता जाबिहुल्लाह मुजहिदले एक विज्ञप्ती जारी गर्दै अफगानीको समर्थन र इश्वरको सहयोगले पञ्जशीरमाथि जित हासिल गरेको उल्लेख गरेका छन् ।

अर्को पनि पढ्नैपर्ने

तालिबानको उड्यो होश : पञ्जशीर कब्जा गर्न हिँडेका ३५० लडाकू मारिए, ४० जना कैदमा

पञ्जशीरमा नेसनल रेसिस्टेन्स फ्रन्ट (एनआरएफ)ले सरकार चलाइरहेको थियो । यो फ्रन्ट तालिवानबिरोधी र इस्लामिक गणतन्त्र अफगानिस्तानको कट्टर समर्थक मानिन्छ । करिब एक लाख ७३ हजार जनसंख्या भएको पन्जशीर प्रान्तका मुख्य नेता अहमद मसुद हुन् ।

अर्को पनि पढ्नैपर्ने

पन्जशिरमा तालिबानीको प्रवेश : केही भूभाग नियन्त्रणमा लिएको लडाकूहरुको दाबी

यसअघि रेजिस्टेन्स फोर्सले तालिवानलाई हमला रोक्नुपर्ने शर्त राख्दै शान्ति वार्ताको प्रस्ताव गरेको थियो। तर, भारतीय सञ्चार माध्यम भास्करले जनाए अनुसार पञ्जशीर क्षेत्रमा पाकिस्तानी पाइलटले हेलिकप्टरमार्फत हमला गरेका थिए । त्यसपछि पञ्जशीरमा रहेका रेजिस्टेन्सका प्रमुख नेता मसुदताजकिस्तान भागेको बताइएको छ।

پنجشیر کے گورنر ہاؤس پر امارت اسلامی کے پرچم کی تقریب رونمائی✌ pic.twitter.com/WqPUW2veKc

— امارتِ اسلامی اردو (@EmartIslamiUrdu) September 6, 2021