काठमाडौँ । नेपाल कम्युनिष्ट पार्टी एमाले अध्यक्ष तथा पूर्वप्रधानमन्त्री केपी शर्मा ओली नेपाल र भारतबीचको दोस्रो मैत्रीपूर्ण फुटबल प्रतियोगिता हेर्न दशरथ रंगशाला पुगेका छन् ।

यसअघि प्रधानमन्त्री रहेका बेला पनि ओली नेपाल र बंगलादेशको म्याच हेर्न रंगशाला पुगेका थिए । ओलीले त्यस बेला खेलाडीहरुलाई मैदानमै पुगेर हौसला प्रदान गरेका थिए।

अहिले खेलको पहिलो हाफ सकिएको छ। पहिलो हाफमा दुवै टोलीले पाएको मौकालाई सदुपयोग गर्न नसक्दा कुनै पनि गोल हुन सकेन।