काठमाडौं । भारतविरुद्धको पहिलो मैत्रीपूर्ण खेलका लागि नेपालले सुरुवाती-११ खेलाडीको नामावली सार्वजनिक गरेको छ । नेपाल र भारतबीचको खेल ५:३० बजेदेखि दशरथ रंगाशामा सुरु हुँदैछ ।

माल्दिभ्समा आयोजना हुने साफ च्याम्पियनसिपको तयारीका लागि नेपालले भारतसँग दुई मैत्रीपूर्ण खेल खेल्न लागेको हो । नेपाल र भारतबीचको दोस्रो खेल आइतबार हुनेछ।

फिफा वरीयतामा भारत नेपालभन्दा माथि रहेको छ । पछिल्लो वरीयतामा भारत १ सय ५ औं स्थानमा रहेको छ । नेपाल १ सय ६८ औं स्थानमा रहेको छ।

नेपालको राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले भारतसँग हुने दुवै खेल जित्ने लक्ष्य रहेको बताएका छन्।

नेपाली टिम :

गोलकिपर- किरण चेम्जोङ

डिफेन्डर – दिनेश राजवंशी, अनन्त तामाङ, गौतम श्रेष्ठ, सुमन अर्याल

मिडफिल्डर – पुजन उपरकोटी, तेज तामाङ, सुमन लामा

फरवार्ड – नवयुग श्रेष्ठ , आयुष घलान, अन्जन विष्ट