काठमाडौँ । लगातारको वर्षातपछिको बाढी-पहिरोले पुर्‍याएको क्षतिबारे जानकारी लिन गृहमन्त्री बालकृष्ण खाँणले विभिन्न ३ जिल्लाका सीडीओहरुलाई टेलिफोन गरेका छन् ।

गृहमन्त्रालय स्रोतका अनुसार बिहीबार मन्त्री खाँणले कास्की, तनहुँ र दाङका सिडिओहरुलाई टेलिफोन गरेर बाढी पहिरोले पुर्‍याएको क्षतिबारे जानकारी लिएका हुन् ।

बिहीबार बिहान मात्रै कास्कीमा आएको पहिरोका कारण ३ जनाको मृत्यु भएको थियो भने दाङमा खोलाले कार बगाउदा ४ जनाको मृत्यु भएको छ। त्यसैगरी तनहुँमा पनि लगातारको वर्षापछि आएको बाढी-पहिरोका कारण मानिसहरु प्रभावित भएका छन्।

टेलिफोनमा मन्त्री खाँणले प्राकृत्तिक विपत्तिमा परेका नागरिकको जीवनको रक्षाका लागि उपलब्ध स्रोत साधनको उपयोग गरेर काम गर्न निर्देशन दिएको मन्त्रालयले जानकारी दिएको छ ।

अर्को पनि पढ्नैपर्ने

पोखरामा पहिरोले घर पुरिँदा तीन जनाको मृत्यु, एक बालक बेपत्ता

अर्को पनि पढ्नैपर्ने

दाङमा बाढीले जीप बगायो : एकैघरका दिदिबहिनीसहित ४ जनाको मृत्यु