काठमाडौं । पछिल्लो २४ घण्टामा थप १ हजार ६६४ जनामा कोरोना भाइरस संक्रमण पुष्टि हुँदा १ हजार ७८६ जना संक्रमणमुक्त भएका छन् भने २० जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ९ हजार ११७ जनाको पीसीआर परीक्षणमा १ हजार ५२३ र ३ हजार १०५ को एन्टिजेन परीक्षणमा १४१ जना गरी १ हजार ६६४ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ६२ हजार ६४७ जना पुगेको छ ।

जसमध्ये ३३ हजार २१४ जना होम आइसोलेसनमा र २ हजार ३७७ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार ७५० जनाको मृत्यु भएको छ ।

यसअघि हिजो सोमबार २,२९५ जना संक्रमित थपिँदा १६ जनाको मृत्यु भएको थियो भने  १,८०८ जना डिस्चार्ज भएका थिए।