एजेन्सी । सोमबार बिहान अफगानिस्तानको काबुल एयरपोर्टलाई लक्षित गरी पाँचओटा रकेट आक्रमण भएको छ ।

यद्यपि सो आक्रमणलाई अमेरिकी एन्टी मिसाइल सिस्टमले बीचमै नष्ट गरिदिएको जनाएको छ । अहिलेसम्म यो रकेट आक्रमण कसले गरेको हो भन्नेबारे पत्ता नलागेको बीबीसीले जनाएको छ।

यसअघि आइतबार अमेरिकाले ड्रोन आक्रमणमा गरेको थियो । यो आक्रमणमा इस्लामिक स्टेट समूहको एयरपोर्टमा आत्मघाती आक्रमण गर्न आइरहेका व्यक्ति मारिएको अमेरिकी अधिकारीले बताएका छन् ।

यसअघि काबुल एयरपोर्टमा भएको आत्मघाती आक्रमणमा परी १७० जनाको मृत्यु भएको थियो । जसमा १३ जना अमेरिकी सैनिक पनि सामेल थिए ।