काठमाडौं । जापानबाट कोरोना भाइरसविरुद्धकाे २ लाख ८ हजार ७ सय डोज खोप नेपाल आइपुगेको छ ।

जापान सरकारले काेभ्याक्स सुविधामार्फत उपलब्ध गराएको १६ लाख डोज एस्ट्राजेनेका खोपमध्ये शनिबार २ लाख ८ हजार ७ सय डोज खोप  कतार एयरलाइन्समार्फत्  काठमाडौँ आइपुगेको हो।

अब बाँकी रहेको खोप आगामी साेमबार नेपाल आउने बताइएको छ । १६ लाखमध्ये दुई चरणमा गरी बाँकी सात लाख डोज खोप नेपाल आउन लागेको हो। यसअघि जापानबाट ९ लाख खोप नेपाल आइसकेको छ।

अब आउने खोप प्रदेश १ र २ मा कोभिसिल्डको पहिलो मात्रा लगाएका नागरिकलाई दिइने स्वास्थ्य सचिव रोशन पोखरेलले जानकारी दिए।