धनगढी । जिल्ला प्रहरी कार्यालय कञ्चनपुरले झण्डै डेढ लाख नगद र लागूऔषधसहित एक युवकलाई पक्राउ गरेको छ ।

जिल्ला प्रहरी कार्यालयका प्रवक्ता प्रहरी नायब उपरीक्षक सिद्धराज न्यौपानेका अनुसार पक्राउ पर्नेमा भीमदत्त नगरपालिका–१२ ऐरीका २० वर्षीय सुदर्शन भारती हुन् ।

भारतीको साथबाट एक लाख ४१ हजार नगद, १४.६७ ग्राम लागुऔषध खैरो हिरोइन र ८.५० ग्राम चरेश बरामद गरिएको न्यौपानेले बताए ।

पक्राउ परेका भारतीलाई नियन्त्रणमा राखेर थप अनुसन्धान भइरहेको प्रहरीले जनाएको छ ।