काठमाडौं । पछिल्लो २४ घण्टामा थप ३ हजार ४०३ जनामा कोरोना भाइरस संक्रमण पुष्टि हुँदा २ हजार १०४ जना संक्रमणमुक्त भएका छन् भने ४२ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ११ हजार ८३९ जनाको पीसीआर परीक्षणमा २ हजार ६१३ र ४ हजार ९९९ को एन्टिजेन परीक्षणमा ७९० जना गरी ३ हजार ४०३ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ३९ हजार ९०७ जना पुगेको छ ।

जसमध्ये ३६ हजार ८०६ जना होम आइसोलेसनमा र ३ हजार ५३२ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार ३९६ जनाको मृत्यु भएको छ ।

यसअघि हिजो सोमबार ३,२७४ जना संक्रमित थपिँदा २७ जनाको मृत्यु भएको थियो भने  १,९२९ जना डिस्चार्ज भएका थिए।