काठमाडौं । प्रधानमन्त्री शेरबहादुर देउवा राष्ट्रपति भवन शीतलनिवास पुगेका छन् ।

मंगलबार बालुवाटारमा बसेको मन्त्रिपरिषद् बैठकले राजनीतिक दल विभाजन सम्बन्धी अध्यादेश ल्याउने निर्णय गरेसँगै प्रधानमन्त्री देउवा राष्ट्रपति विद्यादेवी भण्डारीलाई भेट्न शितलनिवास पुगेका हुन् ।

बैठकले केन्द्रीय समिति वा संसदीय दलमा २० प्रतिशत पुर्‍याए दल विभाजन गर्न सकिने अध्यादेश ल्याउने निर्णय गरेको स्रोतको भनाइ छ।

देउवानिकट उच्च स्तरिय स्रोतका अनुसार अध्यादेश प्रमाणीकरणलगायत विषयमा परामर्शसमेत गर्नेगरी देउवा शीतल निवास पुगेका हुन्।

यसैगरी सरकारले दल विभाजन सम्बन्धी अध्यादेश जारी गर्ने निर्णय गरेपछि एमाले माधव नेपाल पक्षका नेताहरुले वानेश्वरमा भेला भएर आगामी रणनीतिबारे छलफल सुरु गरिसकेको सो पक्षका एक नेताले बताए।