काठमाडौं । नेपाल रेल्वे कम्पनी लिमिटेडका महाप्रबन्धक गुरु भट्टराइले राजीनामा दिएका छन् ।

बुधबार महाप्रबन्धक भट्टराईए भौतिक पूर्वाधार तथा यातायात मन्त्रालयमा राजीनामा पत्र बुझाएका हुन् ।

पत्रमा उनले नियुक्ति लिएको दिनदेखि नै आफुले इमान्दारितापूर्वक काम गरेको र नेपाललाई रेल युगमा प्रवेश गर्न महत्वपूर्ण भूमिका निभाएको बताएका छन् ।

यसअघि महाप्रबन्धक भट्टराईले स्पष्टीकरणको बिषयमा सरकारसंग भन्दा पनि नेकपा एमालेका बरिष्ठ नेता माधवकुमार नेपालसँग आक्रोश पोखेका थिए। नेता नेपाललाई चुनौती दिँदै सामाजिक संजालमा केही दिनअघि लेखेका थिए, ‘माधव नेपाल कहाँबाट चुनाव लड्छन्, २ महिना म त्यहीँ बिताउनेवाला छु । मसँग जोरी खोज्ने माकुनेलाई मैदानमा हिसाब किताब गर्छु ।’ माधवकुमार नेपाललाई ‘राजनीतिक क्यान्सर’ संज्ञा दिँदै काटेर फाल्न आवश्यक रहेको टिप्पणीसमेत गरेका छन् ।