काठमाडौं । नेपाली राष्ट्रिय क्रिकेट टिमका पूर्वकप्तान पारस खड्काले भबिष्यमा राजनीतिमा आउन सक्ने बताएका छन्।

मंगलबार अप्रत्याशित रुपमा अन्तर्राष्ट्रिय क्रिकेटबाट सन्यासको घोषणा गरेका पूर्वकप्तान खड्काले बुधबार पत्रकार सम्मेलन गर्दै यस्तो बताएका हुन्।

क्रिकेटर खड्काले क्रिकेटपछिओक बाँकी जीवनको योजनाबारे जानकारी दिँदै राम्रो मौका पाए राजनीतिमा आउने तर, उनले राजनीतिक दलको नाम भने भनेनन्।

यस्तै, उनले सक्रिय राजनीतिमा लाग्नुभन्दा पहिला क्रिकेट व्यवस्थापन लाग्ने योजना समेत रहेको बताए ।

पत्रकार सम्मेलनमा पूर्व कप्तान खड्काले आगामी दिनमा क्रिकेट संघमा जाने  र क्रिकेटमा योगदान दिन लागिपर्ने बताए ।