काठमाडौँ । नवनियुक्त स्वास्थ्य तथा जनसंख्या राज्यमन्त्री उमेश श्रेष्ठले सरकारी सुविधा नलिने घोषणा गरेका छन् ।

आज स्वास्थ्य मन्त्रालयमा आयोजित पत्रकार सम्मेलनमा मन्त्री श्रेष्ठले सुरक्षा सेवा बाहेक अरु कुनै पनि सरकारी सुविधा नलिने घोषण गरेका हुन् ।

राज्यमन्त्री श्रेष्ठले आफ्नो १०० दिने कार्ययोजना सार्वजनिक गर्दै आवास, गाडी र तलबभत्ता नलिने र आफू संलग्न सम्पूर्ण व्यवसायमा आवद्ध नहुने पनि बताएका छन् ।

‘सार्वजनिक स्वास्थ्य र महामारी नियन्त्रणबारे नीतिगत प्रतिबद्धता र कार्ययोजना’मा आगामी माघभित्र पाँच करोड २२ लाख खोप प्राप्त हुने उल्लेख छ,’राज्यमन्त्री श्रेष्ठले सार्वजनिक गरेको बुँदामा भनिएको छ, ‘खरिद अनुदान र कोभ्याक्समार्फत् माघसम्म पाँच करोड २२ लाख ८२ हजार खोप प्राप्त हुने अवस्था छ।;