काठमाडौं। ललितपुर महानगरपालिकाले ‘एलएमसी पुलिस एक्सन टिम’ गठन गरेको छ।

सोमबार महानगरपालिकाले नगर प्रहरीको कार्यमा तिब्र बनाउँदै सेवालाई थप प्रभावकारी बनाउन नयाँ टिम गठन गरेको हो ।

पूर्वप्रहरी निरीक्षक सिताराम हछेथु महानगरपालिकाको प्रहरी प्रमुखमा नियुक्ति भएदेखि उनले महानगरपालिकाभित्र व्यवस्थापन र सुरक्षाको लागि विभिन्न कामहरू गरिरहेका छन् । जसको पछिल्लो उदाहरण एलएमसी पुलिस एक्सन टिम हो।

नगरबासीको समस्या तत्काल सहजिकरण गर्ने, शहरलाई सुन्दर र व्यवस्थित गर्न टिम गठन गरेको बताइएको छ।

टिमले नगर विकास अभियानमा विरोध पुर्‍याउने व्यक्तिलाई कानुनी दायरमा ल्याउने, विपदमा परेकाहरूको उद्धार गर्ने, सार्वजनिक जग्गा अतिक्रमण हुनबाट रोक्ने लगायतका काम गर्नेछ।