काठमाडौं । पछिल्लो २४ घण्टामा नेपाल थप २ हजार ५ सय ६८ जनामा कोरोना भाइरस (कोभिड–१९) को संक्रमण पुष्टि भएको छ भने थप २ हजार २० जना संक्रमणमुक्त हुँदा १८ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ८ हजार ४०२ पीसीआर परीक्षणमा आज थप १ हजार ९८१ जना र एन्टिजेन विधिद्वारा गरिएको ४ हजार २३४ परीक्षणबाट ५८७ जनामा पोजिटिभ देखिएको हो ।
योसँगै नेपालमा कोरोना संक्रमण हुनेको संख्या ६ लाख ९७ हजार ३७० पुगेको छ भने हालसम्म नेपालमा कोरोनामुक्त हुनेको संख्या ६ लाख ५६ हजार १९७ छ ।

नेपालमा कोरोना संक्रमणबाट थप १८ जनाको मृत्यु भएको छ । योसँगै नेपालमा कोरोनाबाट मृत्यु हुने‍को संख्या ९ हजार ८७५ पुगेको छ ।