गोरखा । जिल्लाको सदरमुकाम गोरखाबजारदेखि आरुघाट जोड्ने सडकमा हिलो भएपछि यात्रुले सास्ती पाएको भन्दै जनप्रतिनिधि र स्थानीयले विरोध गरेका छन्।

सडक निर्माणको जिम्मा पाएको ठेकेदारको लापरवाहीका कारण सडक अलपत्र परेको भन्दै उनीहरुले सडकमा कोदो रोपेर बिरोध गरेका हुन्।

गोरखा सदरमुकाम–आरुघाट सडकखण्डअन्तर्गतको ढुङ्गागाडेमा ठेकेदारलाई सडक छिटो निर्माणका लागि दबाब दिन जनप्रतिनिधि र स्थानीयवासीले सडकमै कोदो रोपेका हुन्।