एजेन्सी । पश्चिम युरोपमा आएको बाढीका कारण ज्यान गुमाउनेको सङ्ख्या १२० नाघेको छ ।

बाढीबाट जर्मनीमा बढी मानविय क्षति भएको बीबीसीले जनाएको छ । बाढीका कारण पश्चिमी र दक्षिणी जर्मनीका दुई गाउँ तहसनहस भएका छन् । सयौँ घर बगेका छन् भने सयौँ सर्वसाधारण बेपत्ता भएका छन् ।

बाढीले जर्मनी, बेल्जियम, लक्जम्बर्ग र नेदरल्याण्ड्सको जनजीवन प्रभावित बनेको छ । जर्मनीको राइनल्यान्ड प्यालाटिनेट राज्यका एक हजार ३ सय नागरिक हराइरहेका छन् ।

जर्मनीमा एक सय वर्षयताकै खतरनाक बाढी आएको बताइएको छ । एक महिनामा पर्नु पर्ने पानी २४ घण्टाभित्रै परेको त्यहाँको मौसम विभागले जनाएको छ ।