एजेन्सी । ब्राजिलका राष्ट्रपति जायर बोल्सोनारो लगातार बाडुल्की लाग्ने समस्या देखिएपछि अस्पताल भर्ना भएका छन् ।

एक सातादेखि उनलाई लगातार बाडुल्की लागेपछि उपचार गर्न उनी अस्पताल भर्ना भएका हुन् । बोल्सोनारोलाई साओ पाउलो स्थित अस्पताल लगिएको छ। उनको उपचार भइरहेको छ ।

ट्वीट मार्फत बोल्सोनारोले आफू चाँडै स्वस्थ भएर फर्किने उल्लेख गरेका छन्। सन् २०१८ मा चुनावी अभियानको क्रममा उनीमाथि चक्कु आक्रमण भएको थियो । पेटको तल्लो भागमा लागेको चक्कुका कारण उनको स्वास्थ्यमा गम्भीर असर परेको थियो ।

अहिले देखिएको लगातार बाडुल्की लाग्ने समस्या भने के कारणले हो भन्ने कुरा पत्ता लाग्न सकेको छैन । त्यतिबेला उनको शरीरको ४० प्रतिशत रगत बगेको थियो । सो घटनापछि उनको धेरैपटक सल्यक्रिया गरिएको छ ।

उनलाई थप परीक्षण र सम्भावित सल्यक्रियाका लागि साओ पाउलो रेफर गरिएको राष्ट्रपतिको कार्यालयले जनाएको छ ।