हेटौंडा । जिल्ला प्रहरी कार्यालय मकवानपुरले १६९ किलो लागूऔषध गाँजासहितको भारतीय ट्रक र दुई जनालाई नियन्त्रणमा लिएको छ।

प्रहरीका अनुसार पक्राउ पर्नेमा ट्रक चालक भारत मोतिहारीका ३० बर्षीय रविन्द्र राय र सहचालक ३१ बर्षीय मुक्तार सैफिक रहेका छन्।

बुधबार बिहान बिशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले हे.उ.म.न.पा. -१५ रातोमाटेस्थित पूर्व पश्‍चिम लोकमार्ग सडकखण्डबाट बारा तर्फ जाँदै गरेको भारतीय ट्रकलाई चेकजाँच गर्दा सो परिमाणको लागुऔषध गाँजा फेला परेको प्रहरीले जनाएको छ।